Потврда за издадена информација од Регистарот за лизинг

Потврдата за издадена информација од Регистар за лизинг содржи информации врз основа на актуелните податоци од Регистарот за лизинг во врска со регистрираните предмети на лизинг.

Потврдата за издадена информација се издава по поднесено барање од страна на заинтересирана странка. Барањето се поднесува на однапред пропишан образец кој содржи податоци за подносителот на барањето, за критериумите на пребарување и предметот на барање.

Критериуми според кои може да биде издадена информација се следниве:

• Предмет на лизинг – листинг на сите актуелни евидентирани договори за лизинг во кои се јавува средството;
• Единствен деловоден идентификационен број – целосен испис од потврдата за упис во Регистарот;
• Корисник на лизинг – целосен преглед на сите актуелни евидентирани договори за лизинг во кои лицето се јавува како корисник на лизинг.

Во случај кога ниту еден запис соодветен на доставените критериуми не е пронајден, Централниот регистар издава информација дека бараниот податок не постои во ниту еден регистриран документ.