Бришење и скратена постапка на ликвидација на правно лице преку Регистрационен агент

Напомена: Овие инструкции се наменети за обични корисници и претставници на субјектите. Доколку сте Регистрационен агент, погледнете ги соодветните инструкции во услугата „Бришење и скратена ликвидација (инструкции за Регистрационен агент)“.

Оваа услуга подразбира затворање / бришење на правно лице во Трговскиот регистар и Регистарот на Други Правни Лица преку постапка на директно бришење на правното лице или преку изведување на скратена постапка за ликвидација, во случај кога постапката се изведува со посредство на Регистрационен агент. Поднесување преку регистрационен агент согласно законите е возможна само за одредени типови на субјекти. Поднесувањето преку регистрационен агент зависи и од овластувањата кои ги имаат различните типови на агенти. На следната локација може да прегледате листа на регистрациони агенти со чие посредство може да извршите поднесување во ЦРРСМ, како и да ги проверите нивните овластувања за поднесување.

Доколку одбраниот тип на субјект не се појавува подолу за избор, или пак сакате да поднесете пријава за бришење или скратена постапка на ликвидација самостојно без посредство на регистрационен агент, изберете ја услугата „Самостојно бришење и скратена ликвидација“.

Типовите на правни лица кои може да подлежат на директно бришење или на скратена постапка за ликвидација се прикажани во следната табела:

За целосен преглед на кои постапки на ликвидација, односно бришење се возможни за различните типови на правни лица, погледнете ги одговорите во секцијата за Често Поставувани Прашања подолу во податоците за оваа услуга.

За можноста за ликвидација во фази на правно лице, прегледајте ги услугите:

• Самостојно изведување на ликвидација на правно лице во фази
• Ликвидација на правно лице во фази преку Регистрационен агент

Овие услуги се достапни само за типови на правни лица за кои законската регулатива овозможува ваков начин на престанок.

Престанок на правно лице може да се случи и како резултат на:

• Статусна промена (спојување и присоединување);
• Стечај, согласно решение од надлежен суд доставено до ЦРРСМ;
• Во овој случај ако субјект е основан за одреден период, по завршување на времето за кое е основан се спроведува постапка за престанок согласно типот и видот на субјектот.

Преку понатамошна системска размена на податоци, секоја промена на податоците во ЦРРСМ се евидентира и во:

• Управата за Јавни Приходи;
• Агенција за Вработување на Република Северна Македонија.

За повеќе информации за најчестите типови на субјекти и начинот на поднесување за бришење или скратена постапка на ликвидација, подолу одберете го типот на субјект за кој сте заинтересирани. Дополнително Централниот Регистар врши упис и на други правни лица. Ова ги вклучува:

• Субјекти за кои не е можен престанок преку изведување на директно бришење или скратена постапка на ликвидација (субјекти за кои е потребно изведување на ликвидација во фази):
  • ДОО / ДООЕЛ;
  • АД;
  • Подружница на странско друштво и странски ТП;
  • Приватна установа.
• Субјекти за кои е можен престанок преку изведување на директно бришење или скратена постапка на ликвидација, но за кои не постои можност за поднесување преку Регистрационен агент:
  • Здружение;
  • Фондација;
  • Подружница на странска организација;
  • Заедница на сопственици.
• Субјекти кои се основани под други основни регистри, за кои Централниот Регистар обезбедува податоци. За повеќе информации, обратете се во институцијата одговорна за основниот регистар за конкретната намена.
  • Нотари;
  • Адвокати;
  • Извршители;
  • Занаетчии;
  • Земјоделци;
  • Приватни агенции за вработување;
  • Друштво за посредување во вработувањето во земјата и странство;
  • Синдикати;
  • Политички партии;
  • Црква, верска заедница, религиозна група;
  • Комори;
  • Други.
• Субјекти основани од државна/општинска институција или со посебен пропис, вклучувајќи:
  • Јавно Претпријатие;
  • Државна установа;
  • Субјект основан со посебен пропис.
• Останати субјекти кои се предмет на регистрација.
  • Командитно друштво (КД);
  • Командитно друштво со Акции (КДА);
  • Јавно Трговско Друштво (ЈТД);
  • Стопанска интересна заедница (СИЗ);
  • Комора;
  • Задруга.

Следниот образец може да се користи за овие типови на субјекти:

• ПБ образец - Пријава за упис на бришење на субјектите запишани во Трговскиот регистар и Регистарот на други правни лица

За повеќе информации, погледнете ја соодветната законска регулатива или обратете се кај претставниците на Централниот Регистар на Република Северна Македонија.