Бришење и скратена постапка на ликвидација на правно лице (инструкции за Регистрационен агент)

Напомена: Овие инструкции се наменети за Регистрационите агенти. Доколку НЕ сте Регистрационен агент, погледнете ги соодветните инструкции во услугите „Самостојно бришење и скратена ликвидација“ или „Бришење и скратена ликвидација преку Регистрационен агент“ (во зависност од начинот на кој сакате да извршите поднесување).

Во зависност од начинот на поднесување предвиден со закон за различните типови на субјекти, оваа услуга овозможува на Регистрационите агенти да извршат поднесување електронски преку интернет, без посета на канцелариите на ЦРРСМ. За електронско поднесување, потребно е да обезбедите дигитален сертификат. Комплетна листа на издавачи на дигитални сертификати прифатливи за ЦРРСМ може да прегледате на следната локација.

Оваа услуга подразбира затворање / бришење на правно лице во Трговскиот регистар и Регистарот на Други Правни Лица преку постапка на директно бришење на правното лице или преку изведување на скратена постапка за ликвидација, во случај кога постапката се изведува од страна на Регистрационен агент.

Типовите на правни лица кои може да подлежат на директно бришење или на скратена постапка за ликвидација се прикажани во следната табела:

За целосен преглед на кои постапки на ликвидација, односно бришење се возможни за различните типови на правни лица, погледнете ги одговорите во секцијата за Често Поставувани Прашања подолу во податоците за оваа услуга.

За можноста за ликвидација во фази на правно лице, прегледајте ја услугата „Ликвидација на правно лице во фази (инструкции за Регистрационен агент)“.

Оваа услуга е достапна само за типови на правни лица за кои законската регулатива овозможува ваков начин на престанок. Престанок на правно лице може да се случи и како резултат на:

• Статусна промена (спојување и присоединување);
• Стечај, согласно решение од надлежен суд доставено до ЦРРСМ;
• Во овој случај ако субјект е основан за одреден период, по завршување на времето за кое е основан се спроведува постапка за престанок согласно типот и видот на субјектот.

Преку понатамошна системска размена на податоци, секоја промена на податоците во ЦРРСМ се евидентира и во:

• Управата за Јавни Приходи;
• Агенција за Вработување на Република Северна Македонија.

За повеќе информации за најчестите типови на субјекти и начинот на поднесување за бришење или скратена постапка на ликвидација, подолу одберете го типот на субјект за кој сте заинтересирани. Дополнително Централниот Регистар врши упис и на други правни лица. Ова ги вклучува:

• Субјекти за кои не е можен престанок преку изведување на директно бришење или скратена постапка на ликвидација (субјекти за кои е потребно изведување на ликвидација во фази):
  • ДОО / ДООЕЛ;
  • АД;
  • Подружница на странско друштво и странски ТП;
  • Приватна установа.
• Субјекти за кои е можен престанок преку изведување на директно бришење или скратена постапка на ликвидација, но за кои не постои можност за поднесување преку Регистрационен агент:
  • Здружение;
  • Фондација;
  • Подружница на странска организација;
  • Заедница на сопственици.
• Субјекти кои се основани под други основни регистри, за кои Централниот Регистар обезбедува податоци. За повеќе информации, обратете се во институцијата одговорна за основниот регистар за конкретната намена.
  • Нотари;
  • Адвокати;
  • Извршители;
  • Занаетчии;
  • Земјоделци;
  • Приватни агенции за вработување;
  • Друштво за посредување во вработувањето во земјата и странство;
  • Синдикати;
  • Политички партии;
  • Црква, верска заедница, религиозна група;
  • Комори;
  • Други.
• Субјекти основани од државна/општинска институција или со посебен пропис, вклучувајќи:
  • Јавно Претпријатие;
  • Државна установа;
  • Субјект основан со посебен пропис.
• Останати субјекти кои се предмет на регистрација.
  • Командитно друштво (КД);
  • Командитно друштво со Акции (КДА);
  • Јавно Трговско Друштво (ЈТД);
  • Стопанска интересна заедница (СИЗ);
  • Комора;
  • Задруга.

Следниот образец може да се користи за овие типови на субјекти:

• ПБ образец - Пријава за упис на бришење на субјектите запишани во Трговскиот регистар и Регистарот на други правни лица

За повеќе информации, погледнете ја соодветната законска регулатива или обратете се кај претставниците на Централниот Регистар на Република Северна Македонија.