Самостојно започнување на ликвидација, запишување на ликвидатор, објава, промени, запирање на постапка и бришење на субјектот со ликвидација

Напомена: Овие инструкции се наменети за обични корисници и претставници на субјектите. Доколку сте Регистрационен агент, погледнете ги соодветните инструкции во услугата „Ликвидација на правно лице во фази (инструкции за Регистрационен агент)“.

Оваа услуга подразбира затворање на правно лице во Трговскиот регистар и Регистарот на Други Правни Лица преку изведување на постапка за доброволна ликвидација во фази, во случај кога правното лице и неговиот законски застапник ја изведуваат постапката самостојно (без посредство на Регистрационен агент). За информации во случај на користење на Регистрационен агент при ликвидација во фази, погледнете ја услугата за „Ликвидација на правно лице во фази преку Регистрационен агент“.

Доброволната ликвидација ги опфаќа следните фази:

• Започнување на ликвидација со запишување на ликвидатор;
• Ажурирање (промени на податоци) во тек на ликвидација. Напомена: Промените во тек на ликвидација се изведуваат на идентичен начин како и регуларните промени, користејќи ги истите обрасци. При електронско поднесување, потребно е да се одбере пријава за Ажурирање во тек на ликвидација. За повеќе информации, прегледајте ги следните услугите:
  • Самостојна промена на субјект;
  • Промена на субјект преку Регистрационен агент.
• Објава дека друштвото е во ликвидација;
• Запирање на започнатата ликвидациона постапка и продолжување на постоење на субјектот;
• Бришење - завршување на ликвидација со бришење на правното лице.

Типовите на правни лица кои може да подлежат на ликвидација во фази се прикажани во следната табела:

За целосен преглед на кои постапки на ликвидација, односно бришење се возможни за различните типови на правни лица, погледнете ги одговорите во секцијата за Често Поставувани Прашања подолу во податоците за оваа услуга.

За можноста за директно бришење или скратена постапка на ликвидација на правно лице, прегледајте ги услугите:

• Самостојно бришење и скратена ликвидација
• Бришење и скратена ликвидација преку Регистрационен агент

Овие услуги се достапни само за типови на правни лица за кои законската регулатива овозможува ваков начин на престанок.

Престанок на правно лице може да се случи и како резултат на:

• Статусна промена (спојување и присоединување);
• Стечај, согласно решение од надлежен суд доставено до ЦРРСМ;
• Во овој случај ако субјект е основан за одреден период, по завршување на времето за кое е основан се спроведува постапка за престанок согласно типот и видот на субјектот.

Преку понатамошна системска размена на податоци, секоја промена на податоците во ЦРРСМ се евидентира и во:

• Управата за Јавни Приходи;
• Агенција за Вработување на Република Северна Македонија.

За електронско поднесување, сите учесници во постапката треба да поседуваат дигитален сертификат. Комплетна листа на издавачи на дигитални сертификати прифатливи за ЦРРСМ може да прегледате на следната локација.

За повеќе информации за најчестите типови на субјекти и начинот на поднесување за различните фази на ликвидација, подолу одберете го типот на субјект за кој сте заинтересирани. Дополнително Централниот Регистар врши упис и на други правни лица. Ова ги вклучува:

• Субјекти за кои не е можен престанок преку изведување на ликвидација во фази (субјекти за кои е потребно директно бришење):
  • Трговец поединец (ТП);
  • Претставништво;
  • Заедница на сопственици.
• Субјекти кои се основани под други основни регистри, за кои Централниот Регистар обезбедува податоци. За повеќе информации, обратете се во институцијата одговорна за основниот регистар за конкретната намена.
  • Нотари;
  • Адвокати;
  • Извршители;
  • Занаетчии;
  • Земјоделци;
  • Приватни агенции за вработување;
  • Друштво за посредување во вработувањето во земјата и странство;
  • Синдикати;
  • Политички партии;
  • Црква, верска заедница, религиозна група;
  • Комори;
  • Други.
• Субјекти основани од државна/општинска институција или со посебен пропис, вклучувајќи:
  • Јавно Претпријатие;
  • Државна установа;
  • Субјект основан со посебен пропис.
• Останати субјекти кои се предмет на регистрација.
  • Командитно друштво (КД);
  • Командитно друштво со Акции (КДА);
  • Јавно Трговско Друштво (ЈТД);
  • Стопанска интересна заедница (СИЗ);
  • Комора;
  • Задруга.

Следниот образец може да се користи за овие типови на субјекти:

• ПБ образец - Пријава за упис на бришење на субјектите запишани во Трговскиот регистар и Регистарот на други правни лица

За повеќе информации, погледнете ја соодветната законска регулатива или обратете се кај претставниците на Централниот Регистар на Република Северна Македонија.