Одлука за донесување на национална класификација на дејностите – НКД Рев.2.1

Почитувани Корисници,

Во врска со Одлуката за  донесување на национална класификација на дејностите – НКД Рев.2.1, донесена од Владата на РСМ на ден 06.02.2024 година , објавена во Службен весник на РСМ бр.35 од 14.02.2024 година, чија примена започнува од 1 Јануари 2025 година, Ве известуваме дека од 01.01.2025 година, во  регистрите кои ги води Централниот регистар е имплементирана новата национална класификација на дејностите - НКД Рев.2.1, при што подносителите на пријави за упис, како и подносителите на годишни сметки за субјектите на упис ќе ги имаат следните можности:

• При поднесување на пријави за упис на основање на правни субјекти во Трговскиот регистар и регистарот на други правни лицa, да одберат и внесат податок на  шифра на приоритетна дејност согласно новата НКД рев.2.1;
• При поднесување на пријави за упис на промена кај правните субјекти во Трговскиот регистар и регистарот на други правни лица, кај кои што е дозволена промена на дејноста, да одберат и внесат податок за  дејност согласно новата НКД рев.2.1;
• При поднесување на годишни сметки за субјекти на упис, подносителите во образецот да ја внесат  главната приходна шифра, согласно новата НКД Рев2.1.

На следниот линк од веб страната на Државниот завод за статистика се објавени новата Национална класификација на дејностите – НКД-Рев 2.1 и коресподентната табела на истата.